Les mots surlignés font l'objet d'une note
1Monseigneur, suyvant votre ordonnance, jay faict publier en ceste ville
2ledict du roy donné à Paris le septiesme decembre dernier
3et icellui envoyé à mesmes fins aux aultres lieux acoustumez de
4ce ressort, avec commission adressante aux officiers diceulx
5de proceder aux saisies et baulx à ferme portez par votredite ordonnance,
6tant pour eviter les plus grandz fraiz que heussent peu faire
7quelques ungs de mes lieutenans sil y feussent allez, qu’à loccasion
8de ce quil ny a guières de personnes absentes sur lesquelles il
9convienne faire telles procedures, et moings que leur bien requière
10d’y employer gentz ainsy califiez si nest le sieur de Saincte Colombe,
11pour raison duquel, en ceste et plusieurs autres considerations,
12jay commis ung des advocatz du siège de ceant à icelle fin
13de sacheminer et transporter sur les lieux requis et necessaire pour y faire
14les saisies de ses biens par votre seigneurye ordonnés et les
15bailler à fermes suyvant lordonnance aquit, mattandant et
16de continuer, monseigneur, vous donner plus ample advis de ce que
17y sera faict. Je prierey surce Notre Seigneur vous donner,
18monseigneur, en parfaicte santé très heureuse et longue
19Vie. De Gap, le XIIe de Janvier 1573.
20Je suys informé de bonne part que aulcuns
21de la pretendue religion de ces quartiers preparent
22leur despart sans quon sache quand ce sera ne leur
23rendévous. Si jen puys aprendre quelque chose davantage
24et de plus certain, je ne fauldray vous en advertir bien diligemment ;
25cependant je vous asseureray que de la sepmayne passée, Lesdiguières
26et Poligny sont esté veus passer en ung bien fort mauvays et dangereus temps
27et chemin par Devoluey et de là à Veyne à quatre ou cinq chevaulx sans que
28pour encore jaye peu scavoyr le chemin quilz ont tenu plus oultre, tant y a quon a prins
29opinion que ce sont affères pressez ou de poix, puys quilz se sont acheminés en si maulvais temps et pays.
30Vostre très humble et plus
31obeyssant serviteur
32B : Olier
33